Votu per corréu / Voto por correo

NORMES pal VOTU PER CORRÉU
(elecciones AUTONOMIQUES y MUNICIPALES del 22 de mayu de 2011)

Dempués qu’esti gobiernu PSOE-IU t’espulsara del to país, dempués que t’obligó a esiliate por nun ser quien a crear unes condiciones mínimes d’empléu, riqueza y calidá de vida n’Asturies, ATRÉVENSE a ninguneate, insultate y dicir que NUN esistes, que simplemente yes una LEYENDA URBANA, o un efectu collateral del llibre marcáu, o un simple subproductu de la movilidá llaboral.

Por eso, AGORA ye’l momentu de dici-yos qu’esistes, de dici-yos lo que pienses, ye’l MOMENTU pa que col so VOTU se manifiesten toles LEYENDES URBANES qu’esti gobiernu PSOE-IU espulsó d’Asturies y qu’agora niega. Por eso, por vosotros, polos vuestros que queden equí y por Asturies en xeneral ye importante que pal prosimu MAYU voteis todos vosotros.

NORMES pal VOTU PER CORRÉU

(elecciones AUTONOMIQUES y MUNICIPALES del 22 de mayu de 2011)

HAI QUE DIXEBRAR TRES CASOS:
  • 1) Aquellos que prevean nun poder dir a votar el día la votación.
  • 2) Los desplazaos, esto ye, los que tan censaos n’Asturies pero tan viviendo (temporalmente o pa siempre) n’otru sitiu, incluyíos nesti casu los que tando censaos nun conceyu d’Asturies viven n’otru.
  • 3) Los Residentes Ausentes, esto ye, los que viven nel extranxeru y tan incluyíos con esti calter nel Censu de Residentes Ausentes (CERA) .
LOS CASOS 1 Y 2 (DESPLAZAOS)
A) En XENERAL, estos dos casos siguen la mesma mecánica, que ye la que vien darréu:
  • A1) L’interesáu tendrá que PERSONASE (non val que vaiga otru por él) nuna Oficina de Correos, provistu del CARNÉ D’IDENTIDÁ (orixinal). Na Oficina de Correos apurriran-y unos impresos pa rellenar. La Oficina de Correos recueye los impresos, ya rellenaos, y envialos a la Oficina’l Censu.
    PLAZU: dende’l 29 de marzu al 12 mayu (non apuréis el plazu, porque non lleguen les papeletes).
    IMPORTANTE: nel impresu ha señalase’l DOMICILIU ACTUAL del interesáu (sinon, mandaran-y les papeletes al domiciliu que figure nel censu)
  • A2) La Oficina’l Censu mánda-y al interesáu, per corréu Certificáu, un sobre, colos siguientes documentos:
    • un Certificáu d’Inxertamientu nel Censu Electoral
    • les papeletes de toles candidatures que se presenten a les elecciones, y pa toles convocatories (Autonómiques y Municipales)
    • sobres de votación, onde se meterán les papeletes escoyíes pol elector (nesti casu, les de UNIÓN URAS-PAS): una p’Autonómiques (salmón) y otra pa Municipales (blanca).
    • un Sobre, llibre de franquéu
  • A3) L’interesáu, una vez que meta en cada sobre la papeleta del UNIÓN URAS-PAS d’igual color, meterá nel Sobre llibre de franquéu:
    • el Certificáu d’Inxertamientu nel Censu Electoral
    • los dos sobres de votación (salmón y blancu)

    Darréu d’ello, cerrarálu y enviarálu certificáu (Correos), que lu remitirá a la Mesa Electoral correspondiente
    PLAZU: hasta’l 18 mayu.

B) ESPECIALIDÁ pa les persones desplazaes en el extranxeru (estudiantes, trabayadores en contrates, etc) La mecánica ye asemeyada a l’anterior, pero:
  • B1) hai que tar inscritu en el Rexistru de Matrícula Consular como “no residentes”
  • B2) la solicitú del votu por corréu entrégase nes oficines consulares (l’impresu pue recoyese na oficina consular o descargase vía Internet, que parez lo más normal)
  • B3) l’envíu del votu pue facese bien por vía postal, bien entrégándolu na oficina consular
  • B4) la papeleta pa elecciones autonómiques vien en blancu, cada elector tien que poner les sigles del partíu al que vota (UNIÓN URAS-PAS, acordaivos)
CASU 3 (RESIDENTES AUSENTES NEL ESTRANXERU)
Talántese bien que falamos de persones que tean nel Censu de Residentes Ausentes (CERA), non d’aquellos que tean temporalmente viviendo nel estranxeru (que sería’l casu anterior)

A) AUTONÓMIQUES

El procedimientu modificose enforma nel 2011 (esta ye la primera convocatoria na que s’aplica):
  • A1) Hai que solicitar el votu por corréu anantes del 23 d’abril. La Oficina’l Censu remite d’oficiu l’impresu solicitú, en sin perxuiciu de que tea disponible nes oficines consulares, y de tar disponible por vía telemática (suponemos que nun enllace col Ministerio Asuntos Esteriores o la Oficina’l Censu). Lo más sensato parez descargalu vía Internet.
  • A2) La Oficina’l Censu mánda-y al elector: les papeletes y el sobre o sobres de votación; Certificáu d’Inscripción nel CERA; dos sobres, unu cola dirección de la Xunta Electoral (nesti casu, la d’Asturies), y otru cola dirección de la Oficina Consular onde tean inscritos.
  • A3) L’elector meterá la papeleta de Coalición UNIÓN URAS-PAS nel sobre (salmón); darréu, meterá esti sobre, xuntu col Certificáu d’Inscripción nel CERA y la fotocopia el carné d’identidá (o certificáu nacionalidá o certificáu inscripción nel Rexistru Consular) nel sobre cola dirección de la Xunta Electoral competente (pa nós, Asturies); esti sobre (¡¡por fin!!) meterálu en aquel que tien la dirección de la Oficina Consular d’onde dependa. A partir d’equí hai dos posibilidaes:
    • A3.1) Mandálu por vía postal (certificada), anantes del 16 de mayu.
    • A3.2) Depositalu nuna urna que s’instalará nes oficines consulares o en otros llugares habilitaos, ente’l 18 y el 20 de mayu (ambos inclusive).
D) ELECCIONES MUNICIPALES
Los censaos nel CERA nun tienen (reforma la Llei Electoral de 2011), repito, NUN TIENEN drechu a votu nes elecciones municipales.

CONSIDERACIÓN XENERAL PA TOLOS CASOS

Téngase en cuenta que los plazos nun son mui llargos, y que tantu el Serviciu de Correos comu la Oficina’l Censu tienen que facer esfuerzos estraordinarios p’atender los votos por correspondencia de toa Asturies. En consecuencia, RECOMIÉNDASE QU’ENTAINÉIS COLOS TRÁMITES, PONIÉNDOVOS A TRABAYAR DENDE’L DÍA SIGUIENTE A LA CONVOCATORIA ELECCIONES, QUE SERÁ EL 29 de marzo de 2011.


Dirección y teléfonu de la Oficina del Censu n’Asturies:

DELEGACIÓN PROVINCIAL DEL CENSO ELECTORAL
C/ General Elorza, 17, bajo
E 33071 UVIÉU/OVIEDO
ASTURIES
Tlf.: (+34) 985.207.8 56

PDF Creator    Enviar artículo en formato PDF   

"Xare" ..el comentariu

Twitter Delicious Facebook Digg Stumbleupon Favorites More

Pon un comentariu

*
Twitter Delicious Facebook Digg Stumbleupon Favorites More

¡¡ DESPERTÁI !!

    No hay fechas presentes

7_compromisos (7)
Articulos (121)
Asturies (17)
Aviles (19)
Ayer (1)
Bimenes (1)
campaña (1)
Cangas de Narcea (2)
Carreño (3)
Casu (1)
central_1 (32)
central_2 (45)
central_3 (34)
Colunga (5)
Conceyos (1)
Convocatories (5)
Corvera (1)
diseñu (2)
documentación (6)
Gozón (12)
Grau (2)
Illas (2)
Llanera (9)
Llanes (1)
Llangreu (12)
Llaviana (2)
Mieres (2)
Noreña (1)
Ponga (5)
portada (10)
Pravia (32)
Prensa (22)
programa_2011 (17)
Ribesella (1)
Samartin del Rei Aurelio (1)
Semeyes (1)
Siero (1)
Sin categoría (26)
Tinéu (4)
Uviéu (19)
Valdés (1)
Villaviciosa (3)
Xeneral (175)
Xixon (84)
Xuan_Xose (159)
xuventu (43)
XXV aniversariu (4)

WP Cumulus Flash tag cloud by Roy Tanck and Luke Morton requires Flash Player 9 or better.

How Is My Site?

View Results

Loading ... Loading ...
día de la NACIÓN ASTURIANA 2010
día les Lletres Asturianes
XXV aniversariu del PAS