Despós qu’esti gobiernu PSOE-IU t’espulsara del to país, despós que t’obligó a esiliate por nun ser quien a crear unes condiciones mínimes d’empéu, riqueza y calidá de vida n’Asturies, ATRÉVENSE a ninguneate, insultate y dicir que NUN esistes, que simplemente yes una LEYENDA URBANA, o un efectu collateral del llibre marcáu, o un simple subproductu de la movilidá llaboral.
Por eso, AGORA ye’l momentu de dici-yos qu’esistes, de dici-yos lo que pienses, ye’l MOMENTU pa que col so VOTU se manifiesten toles LEYENDES URBANES qu’esti gobiernu PSOE-IU espulsó d’Asturies y qu’agora niega. Por eso, por vosotros, polos vuestros que queden equí y por Asturies en xeneral ye importante que pal prosimu MAYU voteis todos vosotros.
NORMES pal VOTU PER CORRÉU
(exemplu pa les elecciones AUTONÓMIQUES y MUNICIPALES del 27/05/2007)
HAI QUE DIXEBRAR TRES CASOS:
-
Aquellos que prevean nun poder dir a votar el día la votación.
-
Los desplazaos, esto ye, los que tan censaos n’Asturies pero tan viviendo (temporalmente o pa siempre) n’otru sitiu, incluyíos nesti casu los que tando censaos nun conceyu d’Asturies viven n’otru.
-
Los Residentes Ausentes, esto ye, los que viven nel extranxeru, pero tan incluyíos con esti calter nel Censu.
LOS CASOS 1 Y 2 (DESPLAZAOS)
Estos dos casos siguen la mesma mecánica, que ye la que vien darréu:
1.) L’interesáu tendrá que PERSONASE (nun val que vaiga otru por él) nuna Oficina de Correos, provistu del CARNÉ D’IDENTIDÁ (orixinal). Na Oficina de Correos apurriran-y unos impresos pa rellenar. La Oficina de Correos recueye los impresos, ya rellenaos, y envialos a la Oficina’l Censu.
PLAZU: dende’l 4 d’abril hasta’l 17 mayu.
IMPORTANTE: nel impresu ha señalase’l DOMICILIU ACTUAL del interesáu (sinon, mandaran-y les papeletes al domiciliu que figure nel censu)
2.) La Oficina’l Censu mánda-y al interesáu, per corréu Certificáu, un sobre, colos siguientes documentos:
- un Certificáu d’Inxertamientu nel Censu Electoral
- les papeletes de toles candidatures que se presenten a les elecciones, y pa toles convocatories (Autonómiques y Municipales)
- sobres de votación, onde se meterán les papeletes escoyíes pol elector (nesti casu, les de UNIÓN URAS-PAS): una p’Autonómiques (salmón) y otra pa Municipales (blanca).
- un Sobre, llibre de franquéu
3.) L’interesáu, una vez que meta en cada sobre la papeleta de UNIÓN URAS-PAS d’igual color, meterá nel Sobre llibre de franquéu:
- el Certificáu d’Inxertamientu nel Censu Electoral
- los dos sobres de votación (salmón y blancu)
Darréu d’ello, cerrarálu y enviarálu certificáu (Correos), que lu remitirá a la Mesa Electoral correspondiente
PLAZU: hasta’l 23 mayu.
CASU 3 (RESIDENTES AUSENTES NEL EXTRANXERU)
A) AUTONÓMIQUES
El procedimientu ye asemeyáu al de los casos 1 y 2, coles siguientes variaciones:
A1.) La Oficina’l Censu remite d’oficiu’l Certificáu d’Inxertamientu nel Censu, asina comu les papeletes y sobres.
A2.) L’interesáu puede depositar el sobre conteniendo les papeletes y el Certificáu nuna Oficina de Correos del país de residencia o nuna Oficina Consular (ye lo que se recomienda, porque va más rápido).
PLAZU: hasta’l 20 mayu.
B) ELECCIONES MUNICIPALES
B1.) L’interesáu tien que solicitar de la Oficina’l Censu, mediante escritu, que-y manden tolos papeles necesarios pa la votación (Certificáu d’Inxertamientu nel Censu y papeleta con sobre). A esti escritu ha acompañase fotocopia del D.N.I. o Pasaporte.(al final d’esti testu, axuntamos un MODELU de petición).
PLAZU: hasta’l 28 d’abril.
B2.) Recibirá un sobre que contién:
- el Certificáu d’Inxertamientu nel Censu
- un sobre de votación y una sóla papeleta EN BLANCU
- una fotocopia del Boletín onde se publiquen les candidatures presentaes nel Conceyu onde tea censáu.
B3.) L’elector tendrá qu’escribir na papeleta en blancu, el nome del Partíu al que vota (nesti casu: UNIÓN URAS-PAS); meter la papeleta nel sobre de votación, cerralu y meter esti sobre, xuntu col Certificáu d’Inxertamientu nel Censu, nel Sobre llibre de franquéu.
B4.) Pa finar, tendrá que llevar el Sobre llibre de franquéu a una Oficina de Correos del país de residencia, y certificalu.
PLAZU: hasta’l 23 mayu.
CONSIDERACIÓN XENERAL PA TOLOS CASOS
Téngase en cuenta que los plazos nun son mui llargos, y que tantu el Serviciu de Correos comu la Oficina’l Censu tienen que facer esfuerzos estraordinarios p’atender los votos por correspondencia de toa Asturies. En consecuencia, RECOMIÉNDASE QU’ENTAINÉIS COLOS TRÁMITES, PONIÉNDOVOS A TRABAYAR DENDE’L DÍA SIGUIENTE A LA CONVOCATORIA ELECCIONES, QUE SERÁ EL 3 D’ABRIL.
Apéndiz UNU
(Modelu d’escritu pa remitir a la Oficina’l Censu)
| DELEGACIÓN PROVINCIAL DEL CENSO ELECTORAL c/ Manuel Pedregal, 8 33071 OVIEDO-UVIÉU (Asturies, España) |
|
| Estimados Sres.: De acuerdo con lo previsto en el artículo 190 de la Ley Electoral, manifiesto mi deseo de votar en las elecciones municipales convocadas para el día 13 de junio, a cuyo fin ruego me remitan la documentación necesaria para ejercitar este derecho. La documentación será remitida a la siguiente dirección: Nombre y dos apellidos Calle, avenida, plaza, lugar, número y piso Ciudad, Código Postal, Región o Estado, País (Fecha) |
|
| Atte, Fdo.: | |
| Nota.- Adjunto remito fotocopia de mi D.N.I. o Pasaporte. |
