Acaba d’apaecer «Ría del Eo (España y Asturies: futuru y coyuntura)», un conxuntu d’artículos de Xuan Xosé Sánchez Vicente sobre la política asturiana, española y europea. Cola profundidá que lu calteriza, Sánchez Vicente analiza la reciente evolución estatutaria n’España, especialmente lo relativu al estatutu catalán, les consecuencias sobre Asturies y los asturianos y los arreyamientos negativos qu’esi y otros estatutos van tener pal futuru. De la mesma manera, desencolca y desenduviella la complicidá que nesi ataque a los intereses d’Asturies y a la igualdá ente los ciudadanos asturianos y españoles tuvieren los socialistes y IU, y, perespecialmente, el Presidente Areces, Javier Fernández y la FSA.
El procesu de negociación con ETA, predichu nel so desendolcase y final dende’l mesmu entamu, ye una de les faces más notables del llibru.
Pero, sobre too, «Ría del Eo», dexa a les clares les mentires continuaes del PSOE estatal y asturianu pa colos asturianos, dende les relatives a les infraestructures o a la eliminación del peaxe d’El Güerna, hasta les relatives al hospital central (HUCA), la enseñanza, la Llaboral de Xixón u otres.
Los elementos culturales e identitarios asturianos, l’análisis de la realidá cultural y emocional de la especie humana y los sos comportamientos xenéricos comparten análisis coles conductes concretes que contra la cultura asturiana desendolquen tanto PSOE como IU y PP.
Complementen los análisis, ente otres, cuestiones relatives a la banca, la vivienda, los impuestos o la irresponsable forma de llexislar de les Cortes Españoles.
El llibru, de 179 páxines, edítalu la Fundación Nueva Asturies y distribúyelu la editorial Trabe
hai que siguir asina trabayando, coses como l’espublizamientu de llibros de la Fundación Nueva Asturies, la revista L’Asturianista, campañes, denuncies polítiques, propuestes, etc
Va a haber o ha habido acto de presentación del libro por parte de la Fundación Nueva Asturies?
Hebo ún y va habeER OTRU