El Partíu Asturianista (PAS) vien albidrando a lo llargu d’estes caberes selmanes l’abegosu tratamientu que la Televisión del Principado de Asturias (T.P.A.) fae non sólu de la información xeneral sobre Asturies (al serviciu del reximen afitau-P.S.O.E.), y l’escaecimientu a la cultura ya la llingua, fae qu’el despreciu poles señes d’identidá llegue a tracamundiar los llugares d’Asturies por poblaciones foriates; ye’l casu dun reportaxe que se fai d’A VEIGA (imaxenes de la villa, la población de PIANTÓN, la Ría del Eo dende la parte asturiana) y la Televisión del Principado de Asturias (T.P.A): rotula esti reportaxe como una panorámica de la población gallega de RIBADEO.
La Executiva Nacional del Partíu Asturianista (PAS) amuela’l so más fondu RECHAZU a estos comportamientos de despreciu que dende esi “ENTE” faise darreu a tolo que seya asoleyar la cultura, xeografia y tolo que cinca cola identidá d’Asturies.
La Executiva Nacional del Partíu Asturianista (PAS) DEXIXE la DIMISIÓN darréu del Director Xeneral de dicho ente: el Sr. Perez Ornia
TPA ye una puxarra antiasturiana.