Partíu Asturianista (PAS) y Xuventú Asturianista convoquen una concentración pa pidir reconocencia a la figura d’Isidro del Río
Fecha: sábadu 10/04/2010 a les 12:00 hores
Llugar: Plaza Mayor de Xixón
Isidro del Rio foi’l primer alcalde de la II República en Xixón
El Partíu Asturianista y Xuventú Asturianista entamen esti sábadu, 10 d’abril, un homenaxe a la figura d’Isidro del Río, al entender que la ideoloxía federalista, autonomista y asturianista del Partíu Federal Asturianu debe de ser recuperada y reconocida, y más cuando estes cuestiones polítiques nun son asumíes por nengún de los trés partíos políticos representaos nel Conceyu y na Xunta Xeneral.
Tamos nuna comunidá onde l’autonomía política ye mínima, onde les esmoliciones pola situación de Asturies ta supeditada a les ordénes que da la cúpula de cada partíu dende Madrid, onde la defensa de toles sos señes d’identidá ye nula per parte de el que nos gobiernen.
Por too ello convocamos esta concentración pa denunciar des-memoria hestórica y pidir la reconocencia pa Isidro del Rio per parte del Gobiernu Municipal PSOE-IU.
L’actu va realizase na Plaza Mayor de Xixón el próximu 10 d’abril a les 12:00 hores de la mañana, y ta abiertu a tolos ciudadanos. Nel mesmu van participar miembros destacaos del PAS y de la Xuventú Asturianista.
